Béntang di Sisi Patuha

Nyorangan di sisi pasawéran
Halimun geus  bangun geus lungsé nutupan
Hariring ngan tinggal sapasi nu marengan
Ngan béntang masih keukeuh baranang

Nyorangan di sisi pasawéran
Rét neuteup jalan tue tungtungan
Nyorang mangsa katukang
Ku waas ku hariwang

Aya Sono dina Harepan

Panon poé caang di sakuliat jagat
Kakayon gugupay mawa béja
Didieu kuring sono ka salira  
Salira nu nyimpang dina impénan
Salira nu imut dina lamunan
Salira nu pinuh ku pangharepan
Paulna langit geus asa ngiuhan
Ieu haté nu di ririwa ku kalangkang
Di sasak Tokbray Tasikmalaya
Aya implengan dina cur-corna cai walungan
Implengan dina kahirupan
Nu lain ngan saukur omongan
Tuh, béntang sulintang panceg ngadagoan

Ngan Saukur Kalangkang

Aya Imut salira nu kabayang

Tapi, ngan saukur kalangkang

Aya teuteup salira nu éndah

Tapi, ngan saukur kalangkang

Aya raray salira nu ngalangkung

Tapi, ngan saukur kalangkang

Aya seungit salira nu ngahiliwir

Tapi, ngan saukur kalangkang

Balébat cenah mawa béja

Rumangsang cenah mawa bagja

Manceran cenah mawa cita

Sariak layung cenah mawa cinta

Peuting cenah mawa carita

Duuh,,,, Salira... 

Najan sumping na impénan

Aya rasa kahéman

Dina wanci anu munggaran

TALAGA BODAS

Bayu nganteurkeun léngkah nu geus lungsé

Jalan asa teu tungtungan

Layung marengan sapanjang tatapakan

Alam éndah mustari bumi

Sunda di buana